Përditësuar :13/05/2026

1. Hyrje

Programi i Transparencës i Shoqërisë Ujësjellës Kanalizime Rajoni Durrës (SH.A.) ka për qëllim garantimin e zbatimit të së drejtës së informimit publik, në përputhje me Ligjin nr. 119/2014 “Për të Drejtën e Informimit”, duke siguruar publikimin proaktiv të informacionit që lidhet me veprimtarinë, organizimin, administrimin dhe përdorimin e fondeve publike nga shoqëria.

Ky program synon rritjen e transparencës, llogaridhënies dhe besueshmërisë institucionale ndaj publikut, abonentëve, institucioneve mbikëqyrëse dhe palëve të interesit.

2. Rreth autoritetit

Informacion i Përgjithshëm

Shoqëria Rajonale Ujësjellës Kanalizime Durrës sh.a. është themeluar në datë 13.07.2022 në zbatim të Marrëveshjes për Krijimin e Shoqërisë Rajonale Ujësjellës Kanalizime Durrës sh.a. datë 28.06.2022, midis Bashkisë Durrës, Bashkisë Shijak, Bashkisë Kavajë, Bashkisë Rrogozhinë, Bashkisë Krujë dhe Ministrisë së Infrastrukturës dhe Energjisë.

Themelimi i Shoqërisë Rajonale Ujësjellës Kanalizime Durrës sh.a. (SHRUKD) bazohet në VKM Nr. 302, datë 11.5.2022 “Për politikat kombëtare për riorganizimin e sektorit të furnizimit me ujë dhe të largimit, trajtimit dhe përpunimit të ujërave të ndotura”, dhe në Ligjin Nr. 8652, datë 31.7.2000, “Për organizimin dhe funksionimin e qeverisjes vendore”.

Shoqëria Rajonale UKD funksionon në përputhje me Ligjin Nr. 9901, datë 14.4.2008, “Për tregtarët dhe Shoqëritë tregtare”, të ndryshuar dhe është regjistruar pranë Qendrës Kombëtare të Biznesit me NIPT M22031502M dhe identifikohet me stemën dhe vulën e saj.

Aksionarët e Shoqërisë Rajonale UKD janë:

Shoqëria Rajonale UKD e ushtron veprimtarinë e saj brenda territorit administrativ të Bashkisë Durrës, Shijak, Kavajë, Rrogozhinë dhe Krujë në përputhje të ligjit Nr. 115/2014, “Për ndarjen administrative-territoriale të njësive të qeverisjes vendore në Republikën e Shqipërisë”.

Objekti i veprimtarisë së SHRUKD është:

1. Shërbimi i furnizimit me ujë të pijshëm i konsumatorëve dhe shitja e tij.

2. Mirëmbajtja e sistemit/sistemeve të furnizimit me ujë të pijshëm.

3. Prodhimi dhe/ose blerja e ujit për plotësimin e kërkesës së konsumatorëve.

4. Shërbimi i grumbullimit, largimit dhe trajtimit të ujërave të ndotura.

5. Mirëmbajtja e sistemeve të ujërave të ndotura, si dhe të impianteve të pastrimit të tyre

6. Realizimi çdo lloj operacioni financiar apo tregtar që lidhet direkt apo indirekt me objektin e saj, brenda kufijve të parashikuar nga legjislacioni në fuqi.

7. Ushtrimi i veprimtarisë së saj në përputhje me lejet, autorizimet, licencat sipas legjislacionit në fuqi.

Procedurat e vendimmarrjes

SHRUKD e bazon vendimarrjen në:

-Ligjin nr 9901, datë 14.04.2008 “Për Tregtarët dhe Shoqëritë Tregtare”

-Statutin e Shoqërisë, nr 1392/1, datë 13.07.2022 “Statuti i Shoqërisë Aksionare SHOQËRIA RAJONALE UJËSJELLËS-KANALIZIME DURRËS SH.A”

Baza ligjore

Veprimtaria dhe funksionimi i Shoqërisë Rajonale UKD rregullohet në mënyrë specifike nga Ligji Nr. 9901, datë 14.04.2008 “Për tregtarët dhe Shoqëritë tregtare”, i ndryshuar, Statuti i Shoqërisë dhe zbatimi i kuadrit ligjor në fuqi në Republikën e Shqipërisë si më poshtë:

1. Ligji Nr. 44/2015 “Kodi i procedurave Administrative në Republikën e Shqipërisë”,

2. Ligji Nr. 7961, datë 12.07.1995 “Kodi i Punës së Republikës së Shqipërisë” i ndryshuar,

3. Ligji Nr. 10296, datë 08.07.2010 “Për menaxhimin financiar dhe kontrollin”. i ndryshuar,

4. Ligji Nr. 8102, datë 28.03.1996  “Për kuadrin rregullator të sektorit të furnizimit me ujë dhe largimit e përpunimit të ujerave të ndotura”, i ndryshuar

5. VKM Nr. 302, datë 11.5.2022 “Për politikat kombëtare për riorganizimin e sektorit të furnizimit me ujë dhe të largimit, trajtimit dhe përpunimit të ujërave të ndotura”,

6. VKM Nr. 1304, datë 11.12.2009 “Për miratimin e modelit të rregullores për furnizimin me ujë dhe për kanalizimet në zonën e shërbimit të ujësjellës kanalizimeve sh.a”.

7. Të gjitha ligjeve apo aktet e tjera nënligjore që janë në fuqi si dhe legjislacionit të Marrëveshjeve Ndërkombëtare të ratifikuara nga Shteti Shqiptar.

Ne zbatim të dispozitave ligjore, Shoqëria merr masa për:

1. Zbatimin e rregullave për mbarëvajtjen e punës së punonjësve të Shoqërisë

2. Zbatimin e rregullave Higjeno – Shëndetësore në punë.

3. Zbatimin e rregullave të sigurimit teknik për mbarëvajtjen në punë.

4. Zbatimin e rregullave për mbrojtjen nga zjarri.

5. Zbatimin e dispozitave të vendosura në Kontratën Kolektive të Punës

6. Zbatimi i rregullave të tregut të vendosura nga Qeveria Shqiptare dhe Enti Rregullator i Ujit

Struktura organizative e Shoqërisë Rajonale UKD ndahet në Drejtori të Përgjithshme dhe Njësi Operative (NjO).

Drejtoria e Përgjithshme përfaqëson nivelin më të lartë të administrimit ekzekutiv të Shoqërisë dhe përcakton politikat, objektivat dhe planet e veprimtarisë së Shoqërisë si dhe menaxhon operimin e veprave kryesore që administron Shoqëria.

Me qëllim rritjen e efikasitetit dhe efektiviteti funksional dhe ofrimin e shërbimeve sa më pranë klientit, funksionet operative të përditshme i delegohen Njësisë Operative (NjO) që ushtron veprimtarinë e saj brenda territorit të Bashkisë aksionare të Shoqërisë Rajonale UKD.

Organigrama

Rregullore e funksionimit të SHRUKD

 Varësia e Dyfishtë

Nisur nga fakti që detyrat e ushtruara nga personeli në varësi të NjO-së janë detyra të deleguara nga strukturat e Drejtorisë së Përgjithshme të Shoqërisë, rezulton që personeli i NjO-ve ka varësi të dyfishtë. Ata varen nga Drejtori i Njësisë Operative për sa i përket veprimtarisë administrative dhe nga strukturat e Drejtorisë së Përgjithshme për sa i përket detyrave teknike që ata ushtrojnë në NjO.

Në të gjitha rastet kur strukturat e NjO-ve janë në kushtet e varësisë së dyfishtë, urdhrat, udhëzimet, programet e punës dhe çdo element tjetër i punës i dhënë nga strukturat e Drejtorisë së Përgjithshme kanë prioritet mbi ato të drejtuesve të NjO-ve. Programet e punës të hartuara nga NjO-të si dhe objektivat afatshkurtër, afatmesëm apo afatgjatë që NjO-ja përcakton për veprimtarinë e saj në të ardhmen duhet të miratohen detyrimisht nga strukturat përkatëse të Drejtorisë së Përgjithshme.

Asambleja e Përgjithshme

Asambleja e Përgjithshme e Aksionarëve të Shoqërisë është organi më i lartë vendimmarrës i Shoqërisë. Vendimet e Asamblesë së Përgjithshme janë detyruese për Shoqërinë, aksionarët, organet e tjera, si dhe zyrtarët e Shoqërisë.

Asambleja e Përgjithshme përfaqësohet në mbledhje nga përfaqësuesi i Këshillit Bashkiak përkatës të pajisur me autorizim specifik dhe nga përfaqësuesi i AKUK-ut, si enti shtetëror i ngarkuar me përfaqësimin e aksionarit MIE.

Këshilli Mbikqyrës

Këshilli Mbikëqyrës ushtron funksione kontrolli dhe mbikëqyrjeje të veprimtarisë së Shoqërisë. Këshilli Mbikëqyrës ka të drejtë të kryejë në çdo kohë verifikime dhe kontrolle që ai i çmon të përshtatshme dhe të njihet me dokumentacionin që e gjykon të nevojshëm për përmbushjen e detyrës së tij.

Anëtarët e Këshillit Mbikëqyrës lidhin me Shoqërinë një kontratë pune, në të cilën janë parashikuar kritere të qarta performance që pritet të arrijë anëtari i Këshillit Mbikëqyrës në terma vjetore. Objektivat për performancën të vendosur në kontratën e punës miratohen nga ministria e linjës, janë të matshëm dhe në përputhje me planin e biznesit.

 Anëtarët e Këshillit Mbikqyrës

• Almiva Llaçi
• Anisa Jakllari
• Adrian Malaj
• Juna Pali
• Aranit Gelaj

Administratori

 Administratori i Shoqërisë emërohet nga Asambleja e Përgjithshme, për një periudhe kohe 3 (tre) vjeçare, mbi bazë kontratash të rinovueshme vjetore bazuar në vlerësimin pozitiv të performances së punës.

 CV e Administratorit : CV

3. Kuadri ligjor rregullator dhe integrimi evropian

Legjislacion ndërkombëtar – Nuk ka

1-PËR TREGTARËT DHE SHOQËRITË TREGTARE 

LIGJ Nr.9901, datë 14.4.2008

2-KODI I PUNËS I REPUBLIKËS SË SHQIPËRISË

LIGJ Nr. 7961, datë 12.7.1995

3-PËR MENAXHIMIN FINANCIAR DHE KONTROLLIN

LIGJ Nr.10 296, datë 8.7.2010

4-PËR KUADRIN RREGULLATOR TË SEKTORIT TË FURNIZIMIT ME UJË DHE TË LARGIMIT DHE PËRPUNIMIT TË UJËRAVE TË NDOTURA

LIGJ Nr.8102, datë 28.3.1996

5-PËR POLITIKAT KOMBËTARE PËR RIORGANIZIMIN E SEKTORIT TË FURNIZIMIT ME UJË DHE TË LARGIMIT, TRAJTIMIT DHE PËRPUNIMIT TË UJËRAVE TË NDOTURA

VENDIM Nr. 302, datë 11.5.2022

6-KODI I FURNIZIMIT ME UJË DHE KANALIZIMEVE

VENDIM Nr. 1304, datë 11.12.2009

Vendimi nr 2, datë 13.07.2022 i Asamblesë për krijimin e Shoqërisë së Re.

Vendimi i Asamblesë nr 11, datë 5.12.2025

7-PËR TË DREJTËN E INFORMIMIT

LIGJ Nr. 119/2014

Shoqëria, në cilësinë e shoqërisë aksionare me kapital publik që ofron shërbime jetike me interes publik, i nënshtrohet detyrimeve për transparencë dhe publikim informacioni.

Akte nënligjore:

• Statuti i Shoqërisë Aksionare SHOQËRIA RAJONALE UJËSJELLËS-KANALIZIME DURRËS SH.A STRATEGJIA KOMBËTARE E SEKTORIT TË FURNIZIMIT ME UJË DHE KANALIZIMEVE, 2023-2030
• Kodi Punës
• KODI ETIKËS SHRUKD
• Rregullore e funksionimit të SHRUKD

4. E drejta për t’u informuar dhe për t’u ankuar

E drejta për t’u informuar dhe për të ankuar në Republikën e Shqipërisë buron nga disa burime themelore juridike

Kushtetuta është burimi më i lartë i së drejtës dhe garanton:

•Të drejtën për informim (neni 23): çdo person ka të drejtë të informohet për veprimtarinë e organeve shtetërore.

•Të drejtën për ankim dhe mbrojtje ligjore (neni 42): kushdo ka të drejtë t’i drejtohet gjykatës ose autoriteteve përkatëse kur i cënohen të drejtat.

Ligji nr. 119/2014 “Për të drejtën e informimit”

Ky ligj konkretizon të drejtën kushtetuese për informim dhe:

•Garantoi aksesin e qytetarëve në informacionin publik.

•Detyron institucionet publike të jenë transparente dhe t’u përgjigjen kërkesave për informacion.

•Parashikon të drejtën e ankimit administrativ dhe gjyqësor në rast refuzimi.

LIGJ Nr. 119/2014 PËR TË DREJTËN E INFORMIMIT

Në rast moszbatimi të këtij Programi ose refuzimi të padrejtë të informacionit, çdo person ka të drejtë të paraqesë ankesë pranë Komisionerit për të Drejtën e Informimit dhe Mbrojtjen e të Dhënave Personale.

Shoqëria bashkëpunon me Komisionerin dhe zbaton rekomandimet e tij.

Shoqëria Ujësjellës Kanalizime Rajoni Durrës (SH.A.) cakton një Koordinator për të Drejtën e Informimit, i cili:

• Administron kërkesat për informacion
• Siguron zbatimin dhe përditësimin e Programit të Transparencës
• Shërben si pikë kontakti ndërmjet shoqërisë dhe publikut
• Krijon, mban, publikon dhe përditëson regjistrin e kërkesave dhe përgjigjeve brenda afatit të parashikuar në pikën 1, të nenit 8, të këtij ligji
• Regjistron kërkesat për informacion dhe cakton një numër rendor për secilën prej tyre

Emri, funksioni dhe kontaktet e Koordinatorit publikohen në faqen zyrtare të shoqërisë.

Kufizimi i së drejtës së informimit:

E drejta e informimit mund të kufizohet në rast se është e domosdoshme, proporcionale dhe nëse dhënia e informacionit dëmton interesat e mëposhtëm:

·         Të drejtën për një jetë private

·         Sekretin tregtar

·         Të drejtën e autorit

·         Patentat

Koordinatori për të drejtën e Informimit

5. Mekanizmat kontrollues dhe monitorues që veprojnë mbi SHRUKD

Si mekanizëm kontrollues vepron Agjencia Kombëtare e Ujësjellës-Kanalizime dhe Njësia e Auditimit të Brendshëm.

6. Informacion mbi buxhetin dhe të dhënat financiare të SHRUKD

• Buxheti vjetor
• Raportet financiare
• Përdorimi i fondeve publike
• Buxheti dhe plani shpenzimeve për vitet financiare 2025-2026

Duke qenë Shoqëri Aksionare me ofertë publike, por e pa mbështur në Fondet e Buxhetit të shtetit, struktura e pagave nuk i nënshtrohet ligjit nr. 152/2013, “Për nëpunësin civil”, të ndryshuar, të ligjit nr. 9584, datë 17.7.2006, “Për pagat, shpërblimet dhe strukturat e institucioneve të pavarura kushtetuese dhe institucioneve të tjera të pavarura, të krijuara me ligj”, të ndryshuar, por bazohet në:

• Ligji nr.9901 datë 14.04.2008 “Për tregtarët dhe shoqëritë tregtare” i ndryshuar.
• Vendimin e Këshillit të Ministrave Nr. 776, datë 19.12.2025, “Për miratimin e pagës minimale në shkallë vendi”;
• Vendimin e Këshillit Mbikqyrës të Shoqërisë  Nr. 11, datë 05.12.2025,

Marrëdhëniet e punës rregullohen në bazë të Kodit të Punës dhe Kontratës Kolektive të Punës.

7. Informacion për procedurat e prokurimit/procedurat konkurruese të koncesionit/partneritetit publik privat

• Regjistri i Realizimeve 2025
• Regjistri i Realizimeve 2026

8. Shërbimet që ofrohen nga SHRUKD

Shërbimet bazë që ofrohen nga SHRUKD janë: Furnizimi me ujë, grumbullimi, trajtimi dhe largimi i ujërave të ndotura.

Tarifat e shoqërisë dhe manuali i standartizimit të shërbimeve

Manuali i Standartizimit

Tarifat në fuqi: Vendimi i ERRU, dt 13.06.2024, Nr.2323/1 Prot

9. Procedurat/mekanizmat për të dhënë mendime lidhur me procesin e hartimit të akteve ligjore/nënligjore, politikave publike apo në lidhje me ushtrimin e funksioneve të SHRUKD

Procedurat dhe mekanizmat për dhënien e mendimeve në lidhje me procesin e hartimit të akteve ligjore dhe nënligjore, politikave publike, si edhe në lidhje me ushtrimin e funksioneve të administratës publike (AP), përbëjnë një element thelbësor të qeverisjes së mirë, transparencës dhe pjesëmarrjes qytetare.

Njoftimi dhe konsultimi publik

-Nuk ka

Komente/Rekomandime/Opinione të palëve të interesuara/grupe interesi

-Nuk ka

Shqyrtimi i komenteve dhe rekomandimeve

-Janë marrë në konsideratë sugjerimet e ofruara nga qytetarët gjatë seancave dëgjimore në rastet e konsultimit publik për aplikim të ndryshimit të tarifave për shërbimet e ofruara.

 Procedura/mekanizma për të dhënë mendime lidhur me hartimin e politikave publike apo ushtrimin e funksioneve të AP

-Nuk ka

Emër mbiemër të koordinatorit për konsultimin publik, adresë postare/elektronike

-Zyra e Marrëdhënieve me Publikun infoshrukd@ukdurres.al

10. Sistemi i mbajtjes së dokumentacionit, llojet dhe format e dokumenteve

Ligji Nr.9154, datë 06.11.2003 - Për Arkivat (Ndryshuar me Ligjin nr. 27/2024, datë 4.4.2024).

Sistemi i mbajtjes së dokumentacionit në AP përbën një element themelor të funksionimit të rregullt administrativ, transparencës, llogaridhënies dhe garantimit të së drejtës për informim. Ky sistem synon të sigurojë krijimin, administrimin, ruajtjen dhe arkivimin e dokumenteve në mënyrë të strukturuar, të sigurt dhe në përputhje me legjislacionin në fuqi.

Dokumentacioni administrohet sipas rregullave të përcaktuara nga ligjet dhe aktet nënligjore që rregullojnë veprimtarinë arkivore, administrimin e dokumenteve dhe mbrojtjen e të dhënave. Çdo dokument regjistrohet, identifikohet dhe gjurmohet që nga momenti i krijimit ose pranimit të tij, duke garantuar vijueshmëri dhe përgjegjshmëri institucionale.

Dokumentet fizike ruhen në dosje të strukturuara sipas një sistemi klasifikimi, ndërsa dokumentet elektronike administrohen përmes sistemeve të menaxhimit të dokumenteve dhe arkivave digjitale. 

Mënyrat e ruajtjes së dokumentacionit:

• -ruajtje fizike në dosje
• -ruajtje në exel me inventar
• -të ruajtura në skanim me foldera të emëruar si dosja fizike

Dosjet ruhen për një kohë nga 10-25 vite në arkivën e ndërmarrjes, ndërsa dokumentet me rëndësi historike kombëtare ruhen përgjithmonë. (urdhrat dhe vendimet që dalin nga Administratori ndër vite, dosja e Këshillit Mbikqyrës, dosja e Kabinetit, dosja e Asamblesë)

11. Regjistri i kërkesave dhe përgjigjeve i përditësuar

Rregjistri i kërkesave për informacion Durrës